كاب كيك بالشوكولاتة
المكونات:
2 بيضات
كأس زيت
كأس سكر سنيدة
2 خمارات
2 ملاعق كاكاو
كأس ماء فيه 2 ملاعق قهوة سريعة الذوبان
2 كؤوس دقيق نوعية مزيانة(دائما الدقيق حسب الخليط)
الطريقة:
في الخلاط الكهربائي كنميكسيو البيض وكأس زيت وسكر سنيدة مع كأس قهوة سريعة الذوبان مزيان ونديرو الخليط في إناء ثم نضيفو دقيق يكون مغربل تدريجيا ونضيفو الخمارات وشكلاط غبرة.
نطربو هاد المكونات مع بعض بالخلاط اليدوي حتى تتجانس مزيان هاد المكونات مع بعض وناخدو ليمول ديال ليكاب كيك نديروا فيهم قويغطات ونفرغو في كل وحدة معيلقة ونصف ثم ندخلوهم الفرن على نار متوسطة وفاش نخرجوهم نسقيوهم بسيرو القهوة حتى يبردوا عاد نزينوهم كيف بغينا أنا درت صلصة شكلاط.
مكونات صلصة الشوكولاتة:
نصف كأس سكر سنيدة
نصف كأس حليب
نصف كأس زيت
2 ملاعق بودرة الشوكولاتة
الطريقة:
في الخلاط الكهربائي كنطربوا الحليب وسكر سنيدة وبودرة الشوكولاتة مع بعض مزيان نخليو الزيت هو الأخير ونضيفو شوية بشوية بحالا غادين نديروا مايونيز نبقاو نميكسيو حتى يعقاد ممكن نضيفوا ياغورت شوكولا إختياري ونزينوا بيه لي كاب كيك ديالنا.
